هذه الخاصيّات قادمة قريباً, و تمّ إنهاء العمل على برمجتها ... يتبقى دراسة جدوى المشروع و قدرتنا على المحافظة على نزاهته
بتقدر تناقشنا بخصوص هاي الخاصيات من هون
بقدر الطالب يجمّع الكوينز هاي عن طريق مشاركته بنشاطات الدروس الموجودة على المنصة
و من خلال هاي الكوينز بقدر يشتري منتجات حقيقية مثل ماوس, لابتوب, ألعاب
! أو حتّى ممكن تحجز رحلة سياحية إلك و لأفراد عيتلك
و بتقدر تحصل على أشياء حصرية على المنصة مثل
شارات مميزة, دوسيات تفاعلية و مشاركة في دروس لايف
(تمّ تنفيذ هذه الخاصية بنجاح)
الخاصية هاي معناها إنه علاماتك إلي بتحصل عليها سواء من الدروس التفاعلية أو الإختبارات بترفع مستواك, عكس النظام الحالي الي بعتمد على إكمالك للنشاط فقط
________________________________
حالياً عم ندرس الفكرة, لأنه إحنا مهمّتنا الأولى مش علامة الطالب بس في طلّاب كثير عجبتهم الفكرة و حكولنا إنها راح تحفزهم لسا أكثر, و حالياً فريقنا بدرس تطبيقها لتوجيهي جيل 2005
(تمّ تطبيق الخاصية لجيل 2004 كمان)
راح نعيّن فريق لتدقيق المحتوى و معاينة الجودة, بحيث راح يصير فيه مستوى معيّن من الجودة و الدقة في المحتوى التعليمي الي بلزم على كل أستاذ إنّه يوصلها عشان نسمح بتعيينه كمعلّم على فليب سكول و هيك راح نقدر نحافظ على دقة الشرح الي على المنصة, راح نقدر نعطي الطلّاب تجربة تعليمية ممتعة و نقلل الحمل على فريق عمل المسؤول عن الكوبي رايت
(تم تعيين فريق العمل بنجاح)
مزبوط إحنا أصلاً موجود تطبيق لفليب سكول
بس التطبيق هو مجرّد نسخة أوّلية و مش مجهّزة للهواتف بالكامل
أمّا النسخة القادمة فهي أقوى و أجمل و راح تحتوي على نفس الخصائص الموجودة على الموقع